A do të rikthehet koronavirusi? A do futemi ne karantine serish? Pëllumb Pipero e thotë troç (STRATEGJIA)

Mjekun inf eksionist Pëllumb Pipero shprehet se nuk do të ketë një valë të dytë të koronavirusit.

I ftuar në studion e “Abc-ja e mëngjesit”, Pipero tha se në gjykimin e tij nuk do ketë një valë tjetër. Megjithatë siç thekson mjeku edhe nëse Covid-19 rikthehet sërish nuk do të ketë nevojë për karantinë.

“Ka një pjesë që e mbështesin një valë të dytë, ka një pjesë që nuk e besojnë. Unë nuk e besoj rikthimin e një vale të dytë. Mendoj se edhe nëse do ketë vazhdimësi apo rikthim do të jetë shumë më e butë. Mendoj se nga e gjithë kjo thelbi i suksesit është distanca. Jeta nuk do frenohet më. Nuk do ketë karantinë. Mendoj se një pjesë e konsiderueshme e popullsisë bie në kontakt dhe fitojnë imunitet. Mundësitë për ta menaxhuar janë të mundshme dhe bëjnë të mundur që dëmi të jetë më i vogël. Ndaj them nuk duhet të jemi të trembur”, u shpreh mjeku.

Pipero theksoi se lajmi i mirë është se ky virus ka strukturë gjenetike të qëndrueshme.

“Lajm shumë i mirë është që ky virus ka strukturë gjenetike të qëndrueshme. Ose do të largohet ose do ketë një zgjidhje afatgjatë. Zgjidhje do të ketë dhe është shumë e shpejt”, tha ai.

Be the first to comment

Leave a Reply

Your email address will not be published.


*